ТАВ Македонија ги информира патниците и јавноста дека денеска (28 март 2019 година) на Меѓународниот Аеродром Скопје, со почеток од 9 часот и 25 минути, беше извeдена вежба раководена од Одделот за обезбедување на аеродромот и од Министерството за внатрешни работи.
Во моментот на случување на вежбата, која беше симулација за деактивирање на експлозивни направи на аеродромот, патниците беа известени дека станува збор за вежбовна активност и дека притоа нивните патувања ќе се одвиваат непречено.
Ваквите вежби се дел од редовните активности на Одделот за обезбедување на аеродромот во соработка со Министерството за внатрешни работи.
