Австралиец од Мелбурн уплатил две лото ливчиња со исти броеви, и секое му донело добивка од 23,3 милиони долари.
Австралиецот го уплатил ливчето во Сент Албанс, а потоа случајно, бидејќи мислел дека заборавил, уплатил уште едно ливче со истите броеви на друго место.
Уште еден добитник освои 23,3 милиони, но допрва треба да ја подигне својата добивка.
Во случај мажот да уплател едно ливче добивката би се поделила на двајца и тие би добиле по 35 милиони долари.
Но, бидејќи едниот играч уплатил две ливчиња, наградата е поделена на три дела и на тој начин едниот од добитниците добил две третини од џекпотот, односно 46,6 милиони долари.
Мажот кој уплатил две ливчиња вели дека истите бројки ги игра 30 години и дека е можно сега да се пензионира, да купи нова куќа, а можеби со семејството ќе замине на одмор.
