Совршени 120 со 80: На Заев му го измерија притисокот по дуелот со Мицкоски

Студентите му ги измерија притисокот на премиерот Зоран Заев при денешната посета на штандовите на факултетите на Универзитетот „Гоце Делчев“ во Штип.

Заев се пофали на Фејсбук дека притисокот му е нормален – 120 со 80, по вчерашниот ТВ-дуел со лидерот на ВМРО-ДПМНЕ, Христијан Мицкоски. Премиерот денеска беше во Штип на одбележување на 12-годишнината од формирањето на универзитетот „Гоце Делчев“ и заедно со штипскиот градоначалник Благој Бочварски и министерот за здравство, Венко Филипче, ги посетија штандовите на кои студентите ги презентираа програмите за новата студиска година.