Американската компанија „Форд“ објави дека ќе затвори три фабрики во Русија, откако ќе престане да произведува патнички возила во таа земја.
До крајот на јуни „Форд“ ќе ги затвори фабриките за автомобили во Санкт Петербург и Небережние Челно и фабриката за мотори во Јелабуги.
Во Русија, „Форд“ вработува околу 3.700 луѓе, објави АП.Компанијата соопшти дека пазарот на автомобили во Русија бавно се созема по повеќегодишната криза и се движи кон поевтини возила.Во Русија, „Форд“ ќе се фокусира исклучиво на комбето ,,Транзит”.
Со години, „Форд“ го намалуваше производството во Санкт Петербург поради слабата побарувачка на пазарот.Минатата година „Форд“ имаше раст од 6 проценти во продажбата во Русија, со продадени 53.234 возила.Во првите два месеца од годинава, во споредба со истиот период во 2018 година, забележан е пад на продажбата од 45 отсто, од 7.566 на 4.168 возила.
ПОПУЛАРНО НА ИНТЕРНЕТ...
