Основниот кривичен суд во Скопје соопшти дека на обвинетиот Владимир Панчевски ќе му се суди во велешкиот суд поради непристрасност.
„Судот достави решение со кое советот на второстепениот суд, постапувајќи по предлог на судија поединец од Кривичниот суд за пренесување месна надлежност и определување друг суд што ќе постапува по предметот К. бр. 1292/19, оформен по поднесен обвинителен предлог на ОЈО Скопје против В. П. за кривичното дело злоупотреба на службената положба и овластувањето, во согласност со член 27, ст. 3, в.в. ст. 4 од ЗКП, го уважи предлогот“, соопшти скопска „единица“.
Апелација утврдила дека обвинетиот е судија во конкретниот суд и со цел да се исклучи секакво сомневање во непристрасноста на првостепениот суд, што би можела да влијае врз перцепцијата за објективноста на судот, како и во согласност со член 6 од Европската конвенција за човекови права, постојат причини за пренесување на стваранта надлежност.
Со решението на Апелациониот суд во Скопје, Основниот суд во Велес се определува за стварно и месно надлежен суд да постапува по конкретниот предмет.
Поранешниот претседател на Кривичниот суд е обвинет за рачно местење предмети наместо да бидат електронски распределени.
НАЈЧИТАНО НА ИНТЕРНЕТ...
