Струмица: Му се заканувал на газда на ресторан, па со секира го оштетил објектот

СВР Струмица поднесе кривична пријава против 47-годишниот Ѓ.Е. од Струмица поради постоење основи на сомненевање за сторено кривично дело „насилство“, информираат од струмичката полиција.

Имено, на 24 мај во кафе бар на улица „Јанко Цветинов“ во Струмица, пријавениот упатил закани по животот на сопственикот, по што со секира оштетил дел од инвентарот на објектот.