Приведено лице од Кавадарци, возел пијан, не пропуштал пешаци, а имал и забрана за управување возило

-На 29.03.2025 во 23.30 часот полициски службеници од ОВР Кавадарци лишиле од слобода 40-годишник од Кавадарци. Тој на улица „Илинденска“ во Кавадарци управувал патничко возило „пасат“ со бугарски национални ознаки со голема брзина и не пропуштил пешаци на обележан пешачки премин. Од страна на полициски службеници бил сопрен и возилото било привремено одземено по член 344 став 2 од Законот за безбедност на сообраќајот на патиштата, информира МВР.

-Од извршените проверки било утврдено дека лицето го управувало возилото под активна забрана за ,,Б“ категорија, а воедно е утврдено дека има 1.7 промили алкохол во крвта. Тој бил задржан во полициска станица, известен бил јавен обвинител и по целосно документирање ќе бидат поднесени соодветни пријави, соопшти полицијата.