Денеска снежни врнежи се забележани во Преспанскиот регион.
Преку ноќта и утре ќе има повремени врнежи од дожд на пониските места, од снег на планините, а во северните делови понекаде врнежите ќе преминуваат во снег и на повисоките места. Во ноќта кон вторник и во вторник претпладне врнежите ќе престануваат и особено во северните и источните делови повремен снег ќе паѓа и на пониските места. Од утре ќе дува умерен до засилен северен ветер најизразен во вторник и кон крајот на работната недела и ова ќе предизвика значително заладување во текот на следната седмица.
Прогноза за 09.01.2024
Минимална температура: -4°C до 1°C
Максимална температура: 1°C до 6°C
Претпладне понекаде во источните делови ќе пролетува слаб снег, а преку денот ќе биде променливо облачно и студено. Ќе дува умерен, а наместа долж Повардарието повремено засилен ветер од северен правец.
Прогноза за 10.01.2024
Минимална температура: -8°C до -1°C
Максимална температура: 0°C до 7°C
Сончево и студено со мала локална облачност. Ќе дува слаб до умерен ветер од северен правец.
Прогноза за 11.01.2024
Минимална температура: -10°C до -3°C
Максимална температура: 3°C до 8°C
Претежно сончево и студено со мала локална облачност и со слаб ветер од северозападен правец.
