Дали сакате да излегувате од време на време и да се релаксирате со неколку пијачки? Но, не ви се допаѓа она што може да следи следниот ден – мамурлак! Мамурлакот обично е придружен со комбинација на главоболка, жед, одбивност кон храна, гадење, дијареа, замор…
Идеална помош
Идеална помош во оваа состојба е чај од ѓумбир или нане, многу вода и лек против главоболка.
Сепак, сето тоа го консумираме за време на мамурлак, односно кога „штетата е веќе направена“.
Доколку сакате да го спречите мамурлакот, експертите препорачуваат да изедете круша пред да почнете да пиете алкохол.
Можеби ви изгледа неверојатно, но излезе дека крушите можат да го спречат мамурлакот и да го намалат нивото на алкохол во крвта.
Утврдено е дека крушите го намалуваат холестеролот, го ублажуваат запекот и имаат антиинфламаторно дејство, пишува „јоур танго“.
– Вкупната сериозност на мамурлакот, измерена на скала на симптоми од 14 точки, е значително намалена кај групата која земала круша пред да консумира алкохол, во споредба со оние кои примале плацебо – изјави нутриционистката Алиса Селини.
Губење на меморијата
Студиите во моментов ја истражуваат само корејската (или азиската) круша, која долго време е традиционален лек за мамурлак. Досега ефектот е забележан со конзумирање на 220 мл сок од корејски круши, иако конзумирањето цели круши може да има сличен ефект – изјави директорот за истражување на CSIRO, Мани Ноакс. Исто така, нашите домашни круши помагаат „денот потоа“ да биде поподнослив.
Крушата помага и во намалување на губењето на меморијата.
Иако, ова можеби нема да им се допадне на оние кои испиле уште неколку пијачки, па затоа не сакаат да се сеќаваат на сè што правеле за време на состанокот.
