Во сообраќајна незгода тешко повредени двајца од Струмичко, возачот удрил во ограда и избегал од местото на несреќата

Вчеравечер, во 22.50 часот, во Полициската станица Струмица било пријавено дека во село Баница, Струмичко, 22-годишниот И. К. од село Баница, управувајќи патничко возило „фолксваген пасат“, со струмички регистарски ознаки, изгубил контрола над возилото и удрил во ограда, извести МВР.

„По несреќата, И. К. го напуштил местото, а сопатникот К. Ѓ. (29) од Струмица бил пренесен во Медицинскиот центар во Струмица, каде што му биле констатирани тешки телесни повреди“, соопшти МВР.

По преземените мерки, во 23.50 часот возачот бил пронајден и пренесен во Медицинскиот центар во Струмица, каде што исто така му биле констатирани тешки телесни повреди. Увид на местото на несреќата извршила екипа на Полициската станица Струмица.