Летниот период и временската нестабилност се релативно чести и со себе носат непријатни појави како грмотевици. Со чувство на нелагодност и поглед на затемнетото небо додека силните налети на ветерот ги кинат дрвјата, сцената станува уште поизразена со блесоци на молњи, а веднаш потоа и звук на гром.
Опасностите од туширањето
Постои уште една потенцијална опасност да ве удри гром додека имате чувство дека сте целосно безбедни. Ова се моментите кога се туширате, се бањате, па дури и ги миете садовите. Бидејќи молњите може да патуваат низ водните линии, американскиот Центар за контрола и превенција на болести советува дека е најдобро да се избегнуваат сите активности кои вклучуваат контакт со вода за време на бура со грмотевици. Сепак, тие наведуваат дека ризикот да ве удри гром кој патува низ водоводните цевки може да биде помал доколку металните цевки се заменат со пластични.
Дополнителни опасности кои можат да настанат со удар на гром, иако сте безбедни, се балконите. Не одете во близина на прозорци и врати и не легнувајте на бетонски подови.
Совет од центарот е при невреме со грмотевици да не користите ништо што е приклучено на штекер во тој момент, како компјутер и мобилен телефон.
Останете внатре дури и по бура со грмотевици
По невремето, препорачливо е да останете во затворен простор најмалку 30 минути по завршувањето на бурата и да останете внатре за време на невремето: во куќа, зграда или автомобил.
Исто така, добро е да ги затворите прозорците и надворешните врати, па дури и дополнително да ги обезбедите.
Ако сте на отворено, треба да избегнувате засолниште под високи изолирани дрвја на отворен простор, како и плажи, отворени полиња и ридови, бидејќи тоа се екстремно ризични области.
Ако сте на отворено, избегнувајте отворени полиња.
Исто така, не се приближувајте до ништо метално.
Ако надвор ве фати бура, треба да отидете на најниските места, под ниски дрвја или грмушки, да се стремите кон долините или ниските области на шумата.
