Двајца повредени во сообраќајката на „Трета македонска бригада”, при судир на две возила, едното се запалило

Денеска во СВР Скопје е пријавено дека во 15.50 часот на булеварот „Трета македонска бригада” се случила сообраќајна незгода помеѓу патничко возило „опел”, управувано од 52-годишниот Д.Т. од Скопје и патничко возило „фолксваген”, управувано од 53-годишниот Р.К. од Скопје, двете со скопски регистарски ознаки, при што во возилото „опел“ настанал пожар.

Во незгодата двајцата возачи се пренесени во медицинска установа, каде им се констатирани телесни повреди.

Увид врши увидна екипа на СВР Скопје.