Фејсбук статус на министерот за внатрешни работи , Оливер Спасовски
Почитувани граѓани од исламска вероисповед,
Ви упатувам вам и на вашите семејства срдечни честитки по повод големиот празник Курбан Бајрам, со желби за добро здравје и благосостојба.
Курбан Бајрам пред се е празник на вредностите на заедништво – меѓусебна почит и разбирање, хуманост, солидарност. Надминувањето на страстите претставува врвна покорност на верникот кон Бога, а духот на трпението е водич низ сомнежите кои се јавуваат во срцата.
Бидете уверени, времето на неизвесност е зад нас, имајќи ја на ум нашата заедничка определба за соживот – сите ние заеднички придонесуваме кон развој на нашиот концепт Едно општество за сите, со еднакви можности за сите и со достојна почит кон културните, верските и етничките разлики, кои го претставуваат нашето богатство. Заедништвото – тоа е нашата сила за движење напред!
Посакувам и овие свети празнични денови да поминат во атмосфера на мир и хармонија – благословен нека е големиот празник Курбан Бајрам!
