Дел од обвинетите во аферата „Криминални парцели“ со која се проневерени околу 1,6 милиони евра може да се најдат на листите на донатори на опозициската ВМРО-ДПМНЕ, но и на кампањата на градоначалничката на Скопје, Данела Арсовска, пишува 24 инфо.мк.
Со ова уште еднаш се потврдува дека криминалната спрега за продажбата на парцелите со неколкукратни повисоки цени од пазарната тргнува и завршува во Белиот дворец на ВМРО-ДПМНЕ, пишува 24инфо.
Обвинетиот Орце Тодоровски може да се најде на листите и како донатор на ВМРО-ДПМНЕ, но и на Данела Арсовска. Тој е еден од основачите на компаниите заедно со Христијан Мицкоски во бизнисот со малите хидроцентрали, а во медиумите може да се прочита и дека бил советник за одбранбени прашања на Мицкоски. Неговата сопруга е дел од Унијата на жени на ВМРО-ДПМНЕ, но и вработена во ЕВН Македонија.
Во случајот „Криминални парцели“ обвинетите добиле на подарок ниви од други лица, непосредно пред локалните избори минатата година. Само неколку недели потоа тие ги продаваат нивите по суми неколкукратно повисоко од пазарната вредност на ЕВН Електрани, со што се прави проневера на околу 1,6 милиони евра.
Целиот случај доби на популарност откако лицата кои се замешани се покажа дека се блиски до опозициската ВМРО-ДПМНЕ, а листите на донации само покажуваат дека патот на парите од овој криминал води до врвот на Белиот дворец.
Донациите може да ги погледнете на следниот ЛИНК.
Извор 24инфо.мк
