Претседателот на ВМРО-ДПМНЕ, Христијан Мицкоски оствари средба со хрватската амбасадорка во Македонија, Нивес Тигањ.
Како што информираат од партијата, на средбата се разговарало за актуелната политичка и економска состојба, но и здравствените предизвици предизвикани од пандемијата предизвикана од Ковид-19.
„Власта нема капацитет и не знае како да се справи со пандемијата, а поради тоа Македонија секој ден бележи нови црни денови и стана лидер по морталитет на милион жители во регионот. Владата предводена од СДСМ нема способност ниту план да се справи со економската криза, а како резултат на тоа над илјадници граѓани ги губат работните места, бизнисите се затвораат, а нови инвестиции нема ниту на повидок“, рекол лидерот на ВМРО-ДПМНЕ на средбата.
Мицкоски нагласил и дека во земјава е нарушено владеењето на правото, се злоупотребува европското знаменце, како на пример за законот за марихуана, додека криминалот и немањето на одговорност за застапени како никогаш досега.
„ВМРО-ДПМНЕ како политичка партија има идеи и мерки како Македонија да се справи со здравствената и економска криза, но и останатите предизвици кои не очекуваат периодов“, рекол партискиот лидер, кој на крајот се заблагодарил и за соработката со амбасадата на Република Хрватска и посочил дека пријателските односи ќе продолжат и понатаму.
