Прегазен пешак во Автокоманда

Седумдесет и седумгодишен маж загина во сообраќајна несреќа што се случила вчера во скопската населба Автокоманда.

Според информациите на МВР, вчера во 14.20 часот на булеварот Александар Македонски автомобил „опел астра“ со скопски регистарски ознаки, управувано од Т.З.(48) од Скопје, удрил во пешакот А.Б.(77) од Скопје.

Пешакот починал на местото на настанот, а смрт констатирала екипа од итна медицинска помош.

Увид на местото извршила увидна екипа на СВР Скопје.