(Видео) Пендаровски во Полска пречекан со највисоки државни и воени почести

Претседателот Стево Пендаровски, со највисоки државни и воени почести, денеска беше пречекан од претседателот на Република Полска, Анджеј Дуда.

По тет-а-тет средбата на претседателот Пендаровски со претседателот Дуда, делегациите на двете држави одржаа пленарен состанок на кој се потврдија искрените пријателските односи и политички дијалог. Полска е постојан поддржувач на нашите евро-атлантски интеграции и за време на посетата на претседателот Пендаровски се очекува да биде реафирмирана поддршката за Северна Македонија да отпочне претпристапни преговори за ЕУ.

https://www.facebook.com/SPendarovski/videos/628228161327726/

Претседателот Пендаровски ќе оствари билатерални средби со Маршалот на Сејмот, Елжбијета Витек и со Маршалот на Сенатот, Томаж Гроцки.

Во рамки на официјалната посета, претседателот Пендаровски ќе се сретне со истакнати слависти и македонисти, кои живеат и работат во Република Полска.

За време на официјалната посета на Република Полска, претседателот Пендаровски е придружуван од сопругата, Елизабета Ѓоргиевска.