Градската власт предводена од СДСМ и градоначалникот Петре Шилегов, по повод 100-годишнината од неговото раѓање, ја прогласија 2020 година за година на Славко Јаневски, соопшти СДСМ.
„Родениот скопјанец Јаневски е еден од најголемите македонски творци и уметници кој остави длабоки траги во македонската книжевност и култура.
Во годината на Јаневски, Град Скопје ќе преземе низа активности како изработка на мурал, именување на еден од библиотечните клонови во негова чест и именување на улица со што ќе се оддаде почит кон големиот уметник Јаневски. Оваа голема личност за македонската книжевност беше под удар на нарачаната лустрација спроведена од ВМРО-ДПМНЕ.
Заради лични и теснопоратиски интереси на Никола Груевски, ВМРО-ДПМНЕ со лустрацијата нанесе историска неправда врз Јаневски и неговото потомство. Денес, истото тоа ВМРО-ДПМНЕ се противи и не сака да се поништи политичкиот процес на лустрација.
Со славењето на 2020 како година на Јаневски, СДСМ преку градската власт ја исправа неправдата и на достоен начин оддава признание на ликот и делото на Јаневски“, велат од партијата.
