Повеќе студенти во Скопје пријавиле дека не можат да го користат бесплатниот јавен превоз откако биле блокирани нивните физички студентски картички. Дел од нив тврдат дека истовремено не можеле да пристапат ниту до дигиталните билети преку мобилната апликација „SkopjeBus“.
Според реакциите на студентската заедница, дел од корисниците навремено ги доставиле потребните податоци за продолжување на правото на бесплатен превоз, но не добиле известување дека картичките ќе престанат да важат. Проблемот предизвикал потешкотии при секојдневното патување до факултетите.


