Директорот на црногорската полиција Лазар Шќепановиќ и генералниот директор на воениот разузнавачко-безбедносен директорат Милан Биговиќ потпишаа договор за размена на криминалистичко-разузнавачки податоци. Информацијата ја соопшти потпретседателот на Владата, Алекса Бечиќ.
Договорот треба да овозможи побрза и поефикасна комуникација меѓу безбедносните институции при откривање и спречување организиран криминал, како и при заштита на националната безбедност. Според властите, размената на информации ќе се спроведува во согласност со законските надлежности на секој орган.
Потегот е дел од поширок процес на поврзување на службите, во кој веќе се склучени слични договори меѓу полицијата, царината, затворската управа и Агенцијата за национална безбедност.
