Бројот на загинати во големите верижни сообраќајни несреќи на бугарскиот автопат „Тракија“ се искачи на 12. Утрово во болницата во Сливен починал 50-годишен маж, кој бил во исклучително тешка состојба по судирите од 10 ноември.
Во двете несреќи учествувале вкупно 86 возила. Бугарската Национална истражна служба најави дека во постапката ќе бидат испрашани околу 100 лица, а се планирани и десетици судско-медицински прегледи.
Истражителите треба да утврдат дали движењето на еден романски камион имало улога во предизвикувањето на судирите, како и влијанието на густата магла и намалената видливост. Засега нема конечен официјален заклучок за причината за трагедијата.
