Искра Хаџи Василева денеска треба да даде свечена изјава пред Советот на јавните обвинители, со што ќе стапи на функцијата раководителка на Основното јавно обвинителство за гонење организиран криминал и корупција. Таа беше избрана на 28 октомври, на постапка во која учествуваа пет кандидати.
Хаџи Василева освои 64 гласа од вкупно 171 важечко гласачко ливче. Изборот беше организиран по истекувањето на мандатот на Ислам Абази, кој раководеше со Обвинителството од октомври 2022 година.
Новата раководителка претходно ја посочи борбата против корупцијата и организираниот криминал како приоритет. Нејзиниот мандат ќе биде оценуван според конкретното институционално постапување, ефикасноста на истрагите и резултатите во судските постапки.
