Меѓународниот монетарен фонд денеска ги започна редовните годишни консултации со Црна Гора, во рамките на постапката според член 4 од Статутот на Фондот. Мисијата, предводена од Џеф Данфорт, ќе ги анализира јавните финансии, финансискиот систем, економските движења и перспективите за наредниот период.
Претставниците на ММФ остварија средби со гувернерката на Централната банка на Црна Гора, Ирена Радовиќ, и нејзиниот тим. Разговорите биле посветени на стабилноста на банкарскиот сектор, неговата отпорност и мерките што ги презема регулаторот за зачувување на финансиската стабилност.
Во текот на мисијата се планирани средби со претставници на Владата, приватниот сектор и академската заедница. Наодите од консултациите треба да бидат претставени на јавноста на 24 ноември, па засега не станува збор за завршена оценка на економската состојба.
