Шест возачи биле лишени од слобода во текот на изминатото деноноќие на различни локации низ Македонија, поради сторено кривично дело „безобѕирно управување со моторно возило“ по член 297-а од Кривичниот законик, соопшти полицијата.
Од приведените, четворица управувале моторни возила без положен возачки испит. Станува збор за 29-годишен жител на Сарај, 49-годишен жител на скопското село Јурумлери, 23-годишен жител на Струга и 37-годишен жител на селото Стојаково, општина Богданци.
Полицијата лишила од слобода и 49-годишен жител на Кукуречани, битолско, кој управувал возило под дејство на алкохол. Меѓу приведените е и 35-годишен жител на струшкото село Велешта, кој управувал возило и покрај изречена активна забрана за управување.
По целосното документирање на сите шест случаи, против возачите ќе бидат поднесени соодветни кривични пријави.
