По реакциите на жители во Скопје за градилиште на улицата „Адолф Циборовски“, општинските инспектори утврдиле неправилности и изрекле парични казни. Според информациите на Општина Центар доставени на 9 ноември, правното лице е казнето со 1.500 евра, а одговорното лице со дополнителни 350 евра.
По поплаките и медиумските реакции, инвеститорот поставил заштитна ограда, мрежа и информативна табла околу градилиштето. Жителите и натаму бараат решение за бучавата и прашината. Општината наведува дека за работата за време на викенди и неработни денови надлежност има Државниот инспекторат за труд, додека комуналните инспектори можат повторно да постапат при нови пријави.
