Тројца студенти се повредени во напад на кампусот на Универзитетот во Атина, во населбата Зографу. Инцидентот се случил денеска на Математичкиот оддел, каде што се одржувал студентски собир.
Според грчките медиуми, во просторијата влегла поголема група лица со шлемови, а бил фрлен и молотов коктел. Двајца од повредените се здобиле со изгореници, додека третиот имал повреда на ногата.
Повредените биле пренесени во болницата „Гениматас“. Универзитетот и Министерството за образование го осудија нападот, а полицијата ги испитува околностите и учесниците во инцидентот.
