СВР Охрид поднесе кривична пријава против 36-годишен државјанин на Египет поради постоење основи на сомнение за сторено кривично дело „кражба“.
Тој го сторил делото на 26.10.2026 во хостел во Охрид, каде што престојувал, односно при згодна прилика одзел мобилен телефон и пари од други гости во хостелот, по што избегал.
По преземени мерки, истиот ден во 14:00 часот на автопатот Тетово–Скопје, полициски службеници од СВР Охрид, од Одделот за криминалистичка полиција – Сектор за општ и насилен криминал и семејно насилство и од СВР Тетово го лишиле од слобода.
По ова, судија на претходна постапка од Основен суд Охрид му определил мерка притвор во траење од осум дена.
