Во македонското јавно обвинителство денеска се спроведува избор за нов раководител на Основното јавно обвинителство за гонење организиран криминал и корупција. Право на глас имаат 187 јавни обвинители, кои преку непосредно и тајно гласање треба да одлучат кој ќе ја преземе раководната функција.
Во изборната трка учествуваат Фатон Азизи, Трајче Пеливанов, Лидија Раичевиќ, Искра Хаџи Василева и Јован Цветановски. Гласачките места се предвидени да бидат отворени од 8 до 16 часот, а резултатите потоа треба да бидат сумирани на јавна седница.
Изборот е значаен за функционирањето на обвинителството што постапува по предмети поврзани со организиран криминал и корупција. Во моментот на објавената утринска информација сè уште нема прогласен победник.
