Набљудувачката организација ЦРТА во извештај објавен во 17 часот предупреди дека во текот на изборниот ден се зголемува бројот на пријавени неправилности и инциденти.
Според набљудувањето на репрезентативен примерок, притисоци врз гласачи, членови на избирачките одбори или набљудувачи биле евидентирани на 29 проценти од избирачките места. Процедурални пропусти биле забележани на 18 проценти, а неправилности поврзани со интегритетот на гласањето на 17 проценти од набљудуваните места.
Од ЦРТА нагласуваат дека продолжуваат со собирање и проверка на информациите. Овие податоци претставуваат наоди на набљудувачката мисија, а не судски утврдени изборни прекршоци.
