Силен земјотрес со магнитуда од 7 степени е регистриран во Пацификот, во близина на јапонските острови Огасавара, приближно илјада километри јужно од Токио.
Јапонската метеоролошка агенција соопшти дека по потресот нема опасност од цунами.
Земјотресот се случил на голема длабочина, од околу 470 километри.
Европско-медитеранскиот сеизмолошки центар првично објавил пониска проценка за магнитудата, од 6,3 степени.
Иако епицентарот бил оддалечен од густо населените области, потресот бил почувствуван во пошироки делови од источна и североисточна Јапонија. Земјата се наоѓа во една од најактивните сеизмички зони во светот.
