Шефот на Делегацијата на Европската Унија во Србија, Андреас фон Бекерат, вечерва изрази сериозна загриженост поради информациите за насилни инциденти на повеќе избирачки места.
Во реакцијата објавена околу 18:30 часот, тој нагласи дека граѓаните мора да имаат можност слободно и безбедно да го искористат правото на глас. Од сите политички учесници побара одговорно однесување, воздржување од провокации и избегнување насилство.
Истовремено, Делегацијата на ЕУ повика надлежните институции да ја гарантираат безбедноста на сите што учествуваат во изборниот процес.
