Франција и Катар побараа повторно воспоставување слободна пловидба низ Ормускиот Теснец, без ограничувања и дополнителни давачки. Пораките се содржани во заедничко соопштение по средбата меѓу францускиот претседател Емануел Макрон и катарскиот емир шеикот Тамим бин Хамад Ал Тани во Доха.
Двете држави ја нагласија потребата од спроведување на договорените мерки за примирје во Газа и непречено доставување хуманитарна помош. Во документот се наведува и противење на евентуално припојување територии на Западниот Брег.
Франција и Катар разговарале и за безбедноста во Либан, стабилизацијата на Сирија и проширувањето на билатералната економска и одбранбена соработка.
