Делегација на Уставниот суд на Македонија учествува на меѓународна конференција во Приштина, посветена на улогата на уставните судови во заштитата на демократското функционирање на институциите. Делегацијата ја предводи претседателот Дарко Костадиновски, а учествуваат и судиите Фатмир Скендер и Ана Павловска-Данева.
Костадиновски е најавен како говорник на панел посветен на владеењето на правото и институционалната рамнотежа. На конференцијата учествуваат претставници на уставни судови од повеќе европски земји, меѓу кои Литванија, Словенија, Австрија и Босна и Херцеговина.
Настанот се организира по повод 17-годишнината од основањето на Уставниот суд на Косово.
