На 20.10.2026 во 15:15 часот во СВР Тетово е пријавено дека на локалниот пат с.Палатица-с.Озормиште, во нива покрај патот, било опожарено паркирано патничко возило „фолксваген голф“ со тетовски регистарски ознаки, сопственост на 74-годишник од с.Палатица. Од пожарот целосно е изгорено патничкото возило, како и површина со сува трева, а 74-годишникот при обид да го изгаси огнот се здобил со изгореници и бил пренесен во Клиничка болница Тетово за укажување на лекарска помош.
Пожарот е изгаснат од Територијалната противпожарна единица Тетово. Извршен е увид од увидна екипа на СВР Тетово, при што било констатирано дека 74-годишникот ја чистел нивата со палење на сува трева, по што огнот се проширил и го зафатил возилото.
