Нов руски напад со беспилотни летала предизвика човечки жртви и оштетувања во Киев. Според информациите што ги потврдиле градоначалникот Виталиј Кличко и градската воена управа, погодена е станбена зграда од 24 ката во областа Свјатошински, при што е пријавено најмалку едно загинато лице и повеќе повредени.
Последици од нападот се регистрирани и на други локации во украинската престолнина. Во областа Десњански делови од беспилотно летало предизвикале пожар на паркирани автомобили, додека во Соломјански бил оштетен инфраструктурен објект.
Надлежните служби продолжуваат со проценката на штетата и со проверката на состојбата на погодените објекти.
