Нови информации за користењето на американската воена сателитска технологија во Украина отвораат прашања за одлуките на компанијата SpaceX. Според извештај на „Волстрит џурнал“, пренесен од бугарската БНТ, Илон Маск наводно наредил забавување на работата на системот Starshield, воениот сегмент на сателитската мрежа Starlink.
Во извештајот се наведува дека прашањето било предмет и на комуникација меѓу Маск и американскиот претседател Доналд Трамп.
Медоиумите пренесуваат дека претседателот бил незадоволен од украинските напади врз руски рафинерии и нивното влијание врз цените на горивата.
Маск не ги потврдил директно наводите од извештајот. Претходно изјавил дека одлуките за ограничување на военото користење на системот се во надлежност на американските воени власти и претседателот.
