Државната изборна комисија едногласно го усвои заклучокот за конечност на резултатите од првиот круг од предвремените локални избори во Брвеница. До истекот на законските рокови не бил поднесен ниту еден приговор за гласањето или за сумирањето на изборните резултати.
На 1 ноември граѓаните повторно ќе гласаат за градоначалник. Во вториот круг влегуваат Стојанчо Радичевски, кандидат на коалицијата „Твоја Македонија“, предводена од ВМРО-ДПМНЕ, и Аркин Јахији од Националната алијанса за интеграција.
Одлуката на ДИК го потврдува изборниот распоред и го отвора завршниот дел од кампањата за избор на нов градоначалник.
