Бугарија и Турција ќе ги зајакнат заедничките активности за безбедноста на пловидбата во Црното Море. Договорот бил постигнат во телефонски разговор меѓу бугарскиот премиер Румен Радев и турскиот претседател Реџеп Таип Ердоган, по нападите со беспилотни летала врз трговски бродови во бугарската ексклузивна економска зона.
Двајцата соговорници се согласиле дека треба да се унапреди билатералната соработка, но и трилатералните иницијативи со Романија. Разговарале и за можноста од прекин на воените напади врз комерцијалните пловила, како начин да се намалат ризиците за меѓународната трговија.
На средбата биле отворени и прашања поврзани со граничните премини, транспортната поврзаност и можна европска финансиска поддршка за инфраструктурни проекти.
