МВР распиша централна и меѓународна потерница по 23-годишната Ива Михаилова од Кочани, откако судот ѝ определи 30-дневен притвор. Таа претходно имала одземени патни исправи и мерки со кои било ограничено нејзиното движење.
Полицијата соопшти дека нема евидентиран легален излез на Михаилова од Македонија, а преку контактите со бугарската гранична полиција било утврдено дека нема ниту регистриран легален влез во Бугарија.
