Светска банка ја подобри прогнозата за македонската економија и сега очекува раст од 3,2 проценти во 2026 година, наместо претходно прогнозирани 2,9 проценти. Според новата проценка, значаен дел од економската активност треба да биде поттикнат од реализацијата на инфраструктурните проекти.
За 2027 и 2028 година институцијата прогнозира раст од по 3 проценти. Новата проекција доаѓа во период кога повисоките енергетски трошоци и надворешната неизвесност остануваат ризик за економиите во регионот.
