ЈП „Национални шуми“ ги повика граѓаните да внимаваат од кого набавуваат огревно дрво и да не купуваат нелегално исечена дрвна маса само затоа што се нуди по пониска цена. Заменик-директорот Кире Михаилов предупреди дека зад дел од бесправната сеча стојат организирани групи, а во одредени ситуации имало и напади врз шумочувари и други службени лица.
Михаилов потврди дека претпријатието открило и случаи во кои сопствени вработени имале врски со криминални структури. Според него, таму каде што ќе бидат обезбедени докази се поведуваат дисциплински постапки, суспензии и кривични пријави.
