РЦУК – Тетово, известува дека на ден 04.10.2026 година, во 11:54 часот, од страна на ТППЕ – Тетово е пријавен пожар над Боговинско Езеро, на Шар Планина.
По добиената пријава, од страна на РЦУК – Тетово е известено ЈП „Национален парк Шар Планина“. Од Националниот парк известија дека се запознаени со пожарот и дека истиот е зафатен на пасишта на непристапен терен, на граничниот појас меѓу Република Северна Македонија и Република Косово.
Од Националниот парк дополнително информираа дека пожарот ќе се следи, но поради непристапноста на теренот нема да се интервенира. Според добиените информации, пожарот не претставува опасност за шумскиот фонд.
