Во Босна и Херцеговина утрово се отворени избирачките места за општите избори. Граѓаните избираат членови на Претседателството на БиХ, државниот и ентитетските парламенти, како и други носители на функции предвидени со изборниот систем.
Овие избори се одржуваат со поширока примена на нови технологии за идентификација на гласачите и обработка на гласачките ливчиња. Во повеќе општини утрово било соопштено дека гласањето започнало без поголеми проблеми.
