Кардиоваскуларните заболувања остануваат водечка причина за смртност во земјава. Според податоците презентирани од Институтот за јавно здравје, минатата година од болести на кардиоваскуларниот систем починале 6.888 лица, што претставува околу 34 проценти од вкупната смртност.
Министерството за здравство најавува дека повторно ќе се разгледува можноста едноставни превентивни контроли, како мерење крвен притисок и гликемија, да бидат подостапни и преку аптеките каде има соодветно обучен кадар.
