Собранието ги усвои законите за задолжување кај Светска банка во износ од 25 милиони евра. Со новото решение се менува претходната заемска рамка од 20 милиони евра, а средствата се поврзуваат со спроведување конкретни реформи.
Заемот е предвидено да се отплаќа во период од 12 години, со три години грејс-период. Опозицијата реагираше дека проектот станал поскап и побара подетална пресметка за користењето на дополнителните пет милиони евра.
Власта, пак, тврди дека изменетиот модел ќе обезбеди поефикасно спроведување на реформските активности и дека средствата ќе се повлекуваат по исполнување на утврдените услови.
