Сончево време со мала до умерена облачност. Попладне наместа ќе има услови за локална појава на нестабилност со пороен дожд и грмежи. Ќе дува слаб до умерен ветер од северозападен правец.
Утрото ќе биде свежо во поголем дел од земјата. Минималните температури ќе се движат од околу 8 до 19 степени. Најсвежо ќе биде во источните и западните предели, каде се очекуваат утрински температури од 8 до 9 степени. Во југозападниот дел утрото ќе биде околу 13 степени, додека во југоисточните подрачја ќе биде потопло, со температура околу 19 степени.
Во текот на денот температурите ќе бележат пораст и ќе се движат од 23 до 34 степени. Најсвежо ќе остане во западните повисоки предели, каде максималната температура ќе достигне околу 23 степени. Во југозападниот дел ќе биде до 28 степени, во централните делови околу 30 до 33 степени, а најтопло ќе биде во јужните и југоисточните региони, каде дневната температура ќе се искачи до 34 степени.
Во Скопје, сончево време со мала до умерена облачност. Ќе дува слаб до умерен ветер од променлив правец.
Во Скопската Котлина времето ќе биде променливо облачно со сончеви периоди, но во текот на денот ќе има услови за краткотрајна нестабилност со локален дожд и грмежи. Утринската температура ќе биде околу 13 степени, а дневната ќе достигне до 33 степени.
