Три лица се повредени во сообраќајна несреќа што утрово се случила на автопатот „Пријателство“, во близина на исклучувањето кон меѓународниот аеродром „Скопје“, информираат од МВР.
Според информациите од полицијата, несреќата била пријавена околу 5:30 часот, откако автомобил „нисан“ со српски регистарски ознаки удрил во метална ограда, по што се превртел на коловозот.
Повредени се возачот, 34-годишниот Н.Џ. од Република Србија, како и две сопатнички во возилото. Тие со возило на Итната медицинска помош биле пренесени во Ургентниот центар при комплексот клиники „Мајка Тереза“.
На местото на несреќата увид вршат екипи на СВР Скопје, под раководство на јавен обвинител.
