Агенцијата за вработување објави нов јавен оглас за програмата „Самовработување“, преку која ќе се поддржат лица што сакаат да започнат сопствен бизнис.
Пријавувањето се врши во 30-те центри за вработување низ земјата и ќе трае до 3 јули. Од Агенцијата информираат дека изборот на кандидатите ќе се спроведува во повеќе фази, со цел поддршката да ја добијат најквалитетните бизнис идеи и планови.
Финансиската помош се доделува како грант за отворање и стартување бизнис. За лица постари од 29 години поддршката изнесува 7.000 евра, додека младите до 29 години може да добијат 10.000 евра.
Доколку повеќе корисници се здружат и основаат ДОО, грантот може да достигне до 20.000 евра, во зависност од целната група.
Повеќе информации се достапни преку објавениот оглас на Агенцијата за вработување.
Линкот е достапен на следната страница
