Три деца од Куманово завршиле на лекарски преглед откако биле пронајдени во загрижувачка состојба на улицата „Професор Мијалковиќ“.
Како што информираат од СВР Куманово, станува збор за 15-годишно девојче и нејзините двајца помали браќа, на возраст од 12 и 9 години. Децата биле забележани на улица во состојба во која не реагирале на допир, по што веднаш биле пренесени во кумановската Општа болница.
Случајот бил пријавен во полиција околу 10:40 часот. Според првичните информации, се проверуваат сомнежи дека нивната состојба може да е поврзана со вдишување лепак.
На трите деца им била укажана медицинска помош, а надлежните преземаат дополнителни мерки за да се утврдат сите околности околу настанот.
