ПОЖАРНИКАРИТЕ ГО ИЗГАСНАЛЕ ОГНОТ, НО ЖЕНАТА НЕ ПРЕЖИВЕАЛА: Трагичен случај во Пинтија

Осумдесет и петгодишна жена го загубила животот во пожар што ноќеска избувнал во куќа во скопската населба Пинтија.

Според информациите од Министерството за внатрешни работи, случајот бил пријавен во 01:48 часот. Пожарот избувнал во куќа во сопственост на С.К. (45), во која живеела и нејзината мајка М.В. (85), која настрадала во настанот.

Огнот бил изгаснат од екипи на Бригадата за противпожарна заштита Скопје. Во текот на денот се очекува да биде извршен увид, по што ќе се утврдуваат причините за избувнувањето на пожарот.